രുദ്ര

പരസ്പരം ഒന്നും മിണ്ടാതെ മുഖത്തോട് മുഖം നോക്കി ചിരിച്ചു കൊണ്ടന്ന് നമ്മൾ ആദ്യമായി കണ്ടുമുട്ടി. എവിടെ തുടങ്ങണം എന്ത് സംസാരിക്കണം എന്നറിയാതെ ഇടറിയ സ്വരത്തിൽ ഞാൻ എന്തോ മിണ്ടാൻ ശ്രമിച്ചു. ഹൃദയമിടിപ്പ് കൂടി  ഇറ്റ് ഇറ്റ് വീഴുന്ന വിയർപ്പു തുള്ളികൾ  നിലത്ത് ഉറക്കാത്ത കാലുകൾ  എന്താ ചെയ്യണ്ടേ എന്നുപോലുമറിയാതെ  ഞാനവിടെനിന്ന് തിരിഞ്ഞ് നടന്നു. തിരികെ നടന്ന് പോരുമ്പോൾ എനിക്കെന്തുപറ്റി എന്ന ആലോചനയിലായിരുന്നു എന്താ സംഭവിക്കുന്നത് എന്നുപോലും എനിക്ക് മനസിലായില്ല. പിന്നെ ഓരോ തവണ കാണുമ്പോഴും പഴയത് പോലെത്തന്നെ. ഞാൻ എന്നോടെത്തന്നെ ഒരുപാട് ചോദ്യങ്ങൾ ചോദിച്ചുകൊണ്ടേ ഇരുന്നു . ഒടുവിൽ എന്റെ ചോദ്യങ്ങൾക്കുള്ള ഉത്തരം ഞാൻ തിരിച്ചറിഞ്ഞു. അറിഞ്ഞോ അറിയാതെയോ എപ്പോഴോ ഞാൻ പ്രണയിച്ച് തുടങ്ങിയിരുന്നു.....